Auguri a Teresa e Sperandio Bosio
Il 20 settembre scorso, Teresa e Sperandio Bosio, di Vall’Alta, hanno festeggiato il 50° anniversario di matrimonio. Non è da tutti arrivare ad un simile traguardo. Ci vuole amore, tanto amore. I due sposi “dorati” hanno rinnovato il loro “sì” nel santuario della Madonna del Pianto, insieme a parenti e amici, per poi ritrovarsi per un pranzo conviviale, promettendosi fedeltà ed altri cinquant’anni di vita insieme.
Per la felice occasione, Amadio Bertocchi, poeta dialettale albinese, ha scritto una poesia in dialetto che ricorda il loro incontro e la loro vita coniugale. Ecco, il testo:
sinquant’agn insèma
“nozze d’oro”
In tép de guèra só nassìt
gh’ére sèmper öna facia de stremìt,
sènsa bràghe e negóta ‘n de pé
s’éra ‘n dla miséria töcc i dé,
bisògnàa rangiàs per mangià
perché ‘n cà l’ gh’éra póch de pèlöcà.
Só cressìt e só dientàt ü zuinòt
ma s’ére ‘mpó ‘mbranàt e timidòt,
con chi póche fómne ca gh’ó üt a che fà
i m’à sèmper rifüdàt e lassàt istà.
Mè só sentìt abandunàt
e ü bèl dé la pèna e carta ó ciapàt:
la mé stòria a “Padre Pio” gh’ó scrécc
anche mè sorèla mònega “Léna” la mè l’à décc.
Penserùs, ansiùs e intimörìt
ü bèl dé ‘l m’à respondìt:
Sperandìo…,’l m’à décc: “quando ‘l sarà ‘l momènt,
la fómna giösta per ol tò sentimènt
la providènsa la te farà ‘ncontrà
e con lé te cöströeré ol nì e la cà”.
N’ del méla növ-sènt sesanta du
ol miràcol l’è capitàt dol de bu,
söl mé stèss pòst del laurà
öna bèla s-cèta l’à ma fàcc inamurà.
Dopo trì agn de fidansamènt
m’à curunàt ol sògn töt ‘n d’ü momènt,
ol desdòt de sentèmber del sesàta-sich
‘n dla parochiàl d’Elbì a i öndes,
a ‘n s’è décc chèla paròla
che la m’à tacàt insèma cóme la còla,
col nòst Signùr, Don Piero e i testimòne ‘n s’è scambiàt l’anèl
e per Teresa e Sperandìo l’è stàcc ol dé piö bèl.
Nóter ‘n gh’à sèmper ol Signùr de ringrasià
per ol regàl che ‘l m’à ülìt dunà,
la nòsta s-cèta Robèrta, ol fiùr
piö bèl del nòst amùr.
Che po’ anche lé l’è mia restàda ‘ndré
a dam tance södisfassiù töcc I dé.
Dòpo sinquant’agn insèma ‘n del rispèt,
forse mpó piö ècc, ma disìm…‘n gh’à amò chèl aspèt!.
Amadio
